CAVEA

CAVEA

apud Statium, Theb. l. 6. v. 654.

--- --- --- Ni se

Arduus Hippomedon Caveâ stimulante tulisset

In medio ------

Populus est, qui in Cavea, Amphithcatri remotire et altiore parte spectabat. Unde apud Senecam, de Tranquillit. c. 11. summa Cavea, eum ait. Mimica verba, et ad summam Caveam spectantia. h. e. ad vilissimam pleben, ibi loci Ludos spectantem. Primitus vero locus medius sic dicebatur. Hinc Cavea nonnumquam pro toto Amphitheatro. Sed et Cavea, loca omnia, quibus Theatrum adiri poterat, apud eundem Statium, l. 1. Sylv. 6. v. 28.

Ecce autem caveas subit per omnes.

Insignis species decora cultu,

Plebes altera, non minor sedente.

Postquam enim remotiores a scena, aggestis cespitibus, editiorem locum sibi pulvillis actis fecissent; antiquissimis temporibus, quibus nulla adhuc ex arte Theatra, medius locus depressior Caveae nomen accepit, quod nomen postea in Theatris remansit. Erant quoque Caveae Amphitheatrales, in quibus ferae detinebantur et Cavi subterranei, e quibus per posticas bestiae in arenam immittebantur, distincte memorati Vopisco in Probo, c. 19. Addidit aliâ die in Amphitheatro unâ misstone centum iebatos leones, qui omnes e posticis interempti sunt, non magnum praebentes spectaculum, cum occidebantur: neuqe enim erat bestiarum impetus, qui esse e caveis egredienti bus solet. Nempe non solum caveae ferreae in Amphithearro habebantur, continendis ac concludendis feris, sed etiam cavi speluncaeque hypogaeae ad eam rem factae. Et caveae quidem ex regulis ferreis contextae erant et ad lucem expositae in medio, ut par est, amphitheatro: cavi autem et specus illi subterranei tenebrosi plane erant, ut qui nullâ vel minimâ luce irradiarentur. Unde non mirum, si ferae in illis specubus detentae, minore inde cum impetu exirent exilirentque, quam quae in caveis habehantur. Tenebris namque ac paedore domitae, languidiores efficiebantur at e caveis erumpentium maior vis ac impetus; luce enim ipsâ efferabantur et bestiarii ipsius forsitan, adversus quem emittebantur, conspectu. Adde avod priusquam inde exirent irritabantur: quae fieri non poterant in cavis et hypogaeis illis, Salmas. ad loc. cit. Vide quoque infra in voce Repagula, item Rutuli: et plura hanc in rem apud I. Lipsium de Amphitheatro, uti de Caveis besternarum, supra; et de supplicio eorum, qui Caveâ ferreâ inclusi in mate demitti et subtus navem denuo submergi consuevêre, supra verbô Accabussare.